mikelgs

Kontuz, spoiler arriskua 😄

Gustatu zait nola hitz egiten duen intsektuei buruz eta Euskal Herriko kontuei buruz. Donostian kokatuta dago istorioa, Hendaiarantz begira. Pertsonaia kopurua erraza izan da niretzat kudeatzeko, ez naiz galduta ibili nor-zen-nor oroitu nahian, ondo ezagutzen nuen bakoitza (ondo deskribatuta zegoen seinale).

Gogorra da irakurketa, hasieratik oso gai serioa tarteko, gero bigarren plano batean geratzen da protagonistaren minbizia, kontakizunaren oinarrian bezala, gertakari zirraragarriei hutsaltasun bat eraginez (total, ze axola du guztiak...).

Nobelaren amaieran bukaera pare bat asmatzeko aukera ematen zidan tramak. Ez da gertatu ez bat eta ez beste 🤣

Deseroso sentitu naiz hasieratik, gizontasun tipiko bat oso markatuta deskribatzen duelako, gizon guztientzat, baita biologizista jarriz ere tarteka. "Zergatik ote gara gizonok beti honelakoak", edo "emakumeak halakoak". Ez dakit protagonistaren ikuspegia, narratzailearenak edo idazlearena den. Liburu osoan zehar jarraitu du horrela, baina tira.

Gomendatzen dut irakurtzea. Bestela ez nuen hemen iruzkina sortuko!

Beste norbaitek irakurri badu, gustura irakurriko nituzke bere iruzkinak!

Kaixo!

Nire ustez bi audio liburu mota daude:

• Ahots bakarra (izan esatari edo robot). Hauekin liburuak entzuten dira, buruan asko eraiki behar dugu, irakurtzen denean bezala.

• Ahots ugari, aktore onak, efektu bereziak, soinu banda... Hauei ere audioliburu deitzen zaie, baina nire ustez film bat entzutea bezala da. Produkzio garestiagoak dira, noski.

Lehenengo motakoak gehiago gustatzen zaizkidan arren, bigarren taldekoak egiten dituen Graphic Audio gomendatu nahi nuke: https://www.graphicaudiointernational.net/

Brandon Sanderson idazlearen Mistborn liburu saga entzun nuen, adibidez, eta BIKAINAK iruditu zitzaizkidan.

Kaixo!

Ordenagailuan eroso ibili naiz lehen, baina mugikorrean zein app litzateke egokia? Orain mugikorretik ari naiz, baina interneten.

Hau da app ofiziala edo? https://play.google.com/store/apps/details?id=com.lemmy

Eskerrik asko

Kaixo!

Ingalaterran ezagutu nuen Thai gastronomia eta maitemindu nintzen.

Bambu Box (Madrilen)

Madrilen jatetxe-kate txar batzuk ezagutu nituen eta pena eman zidan. Banbu Box izenekoa bai, oso ona iruditu zitzaigun (Madrilen baita ere).

~~Eta pasa den astean Gasteizen aukera dagoela jakin genuen!! Wasabi jatetxea da (General Álava kalea, 6). Berez japoniarra da, baina Na Thai proiektua abiatu dute lokal berean. Covid kontuak direla eta etxerako eskatu genuen eta "benetako" thai dela iruditu zitzaigun!!~~

Norbaitek ezagutzen du jatetxe gehiago?

Datozen egunetan lemmyn errezeta pare bat jartzen saiatuko naiz, etxean ondo samar ateratzen zaizkigunak.

Ondo izan!