mikelgs

Digitalizazioaren sinbiogenesia!

Digitalizazioaren gainean hausnartzeko fikzioa erabiltzen duten lizentzia libreko testuak... euskaraz audio formatura egokituta! Eskerrik asko eta zorionak Haritulab!!!

Nola sortu URL estekak testuetan? Eta testu testu etzana, lodia... edo izenburuak, zerrendatzeak... Leku askotarako (Lemmy bera, kasu) baliagarri diren trikimailuak :-) Oharra: Markdown fitxategien luzapena .md da.

Susa argitaletxearen webgunea begiratzeke neukan, aspalditik, eta gaur hasi naiz audioen atalarekin Nobela edo narrazio motzik ez omen dago, poemak bakarrik (oraingoz?). Baina aizu, egileak berak irakurrita sarritan! Poesia gutxi irakurtzen dela entzun izan dut, entzunaldi bat merezi du honek...

Tailandiar gastronomiako errezeta zabalduenetakoa da Pad Thai platera. Esango nuke oinarrizko osagaiak arroz tailariniak, tamarindoa, kakahueteak... direla.

Gaztelaniaz tutorial fidagarri bat honako hau dela esango nuke, egileak hango jatorria baitu.

Nik batez ere bere jarraibideak segi ditut. Prozesua kaotiko samarra egin zait, ohitura faltagatik: gauzak egiteko ordena, zartagin bat beharrean bi, hamaika gopor edo edukiontzi nire inguruan osagai erdi prestatuekin... Baina goxoa atera da azkenean 😂👌

Erabili ditudan osagaien argazkia:

Eta emaitza:

Zuk probatu izan duzu? Eta egin? Partekatu esperientzia nahi baduzu!

Webgune eta proiektu bikaina da Booktegi.eus. Besteak beste, audio liburuak edo pilulak eskaintzen ditu. Entzun duzu baten bat? Gustatu zaizu? Gomendatu audio zehatzak hemen nahi baduzu!

ZIRRIBORROAK ETA GERO proiektua ezagutu beharrekoa dela iruditzen zait. Dohainik fabula utopikoak (nahiko optimistak behintzat) sortu eta eskaintzen dituzte punta-puntako idazle eta ilustratzaileek. Audio eta guzti gainera! Webgunea badute, baina beharbada entzuteko modu errazena Telegram kanala da.

Zumea erosi genuen Aranda de Dueroko enpresa baten webgunetik. Zume zuria nahi genuen baina ez zeukaten, 40€tan 5 kg Buff erosi eta egun gutxitan etxean genuen paketea (120 cm-koak). Material ona, lau saski egiteko haina dirudi (tamainaren arabera noski).

Ondoren tutorial bikainak (ingelesez) aurkitu ditugu Asaf Salim irakaslearengandik. Youtuben badu kanala, baina bere webgunetik ikusteko eskatzen du. Hain baliagarri izan zaizkigu, dohaintza edo ordainketa bat egin diogula eskertzeko.

Pisu txiki batean bizi garenez, zumea beratzen jartzeko 1,5 metroko PVC hodi bat erosi genuen, ipurdia sukaldeko film eta zeloarekin itxi eta zumeak bertan sartuta, dutxan zutik urez bete genuen. Ondoren, lurrean toalla busti pare batekin mantendu genituen heze.

Argazki batzuk jartzen ditut hemen, norbaitek interesa baldin badu galdetu eta saiatuko naiz laguntzen.

Mastodonen mezu hau irakurri dut https://mastodon.eus/@jogerka/105533617428102362 Lau errezeta begano interesgarri, beraz, hemen: https://issuu.com/urbanbat/docs/la_casa_esto_mago/1

Thailandiar zopa bat ezagutu genuen jatetxe batean (errezeta tipikoena, uste dut) eta etxean gure aldaera egiten dugu hilean behin. Oso erraza da eta azkar-azkar prestatzen da. Osagaiak prest edukitzea bakarrik behar duzu. Bi pertsonarentzako kopuruak:

• Ura (hiru platerkada edo bolkada 😊).

• Kaienak (lauzpabost ondoren apartatzeko, bizpairu txikitu eta zoparekin gero jan nahi badira).

• Jengibre puska bat (zurituta, gero ez dugu jaten).

• Koko ur latatxo bat.

• Gatza (ez ahaztu, behar du; paellari botatzen diozun haina) eta pipermin beltza (pixka bat).

• Azenarioa eta brokolia (lekak ere bai, garaia denean).

Lapikoan egosi hiruzpalau minutuz (barazkiak gutxi egiteko).

• Noodle-ak gehitu eta minutu batez irakiten segi (erabiltzen den motaren arabera, gu hauekin konforme gaude).

Sua itzali eta gehitu azken osagaiak:

• Aparte frijitutako 4 otarrainska (bestela oilasko bularkia ere izan daiteke, dadotan moztuta eta zartaginean frijituta; edo begano egitea, noski).
• Piper berde puskak eta txanpiak (biak gordinik, zopa berora gehitu eta listo).

Oharra: kaienak eta jengibrea kendu eta azkar zerbitzatu, bestela guztia gehiegi biguntzen da. Animatu egiten eta on egin dagizuela!

Irratsaioak, podcastak, audio literatura... igotzeko plataforma da Funkwhale. Eta badago instantzia bat euskarazko edukientzat!! Izen ematea irekia dela uste dut.

Smartphonerako joko edo jolasak gomendatu ditzagun!

Merezi duten nobela grafiko edo komikiak aipatzeko gunea.